Niki Mbishi awavaa wasanii hawa

Rapa Nikki Mbishi amefunguka na kuwachana baadhi ya wasanii wanaojifanya kuwa ni wasanii wakubwa ili hali hakuna uwekezaji wowote ambao wameufanya na kusema wasanii wengi wa Bongo ni waganga njaa.

Niki Mbishi amesema hayo kupitia ukurasa wake wa Instagram na kudai kuwa hivi sasa wasanii wengi wa Bongo fleva wamekuwa wakilialia sana kwenye Interview zao

"Siku hizi wasanii wa Bongo flavor kwenye Interviews wanalia tu, sijui wameukosea nini mfumo wao au Miungu yao (Mameneja Uchwara)? Kheri kufa macho kuliko kufa moyo, by the way sisi wengine tunaambiwa hatupo kwenye A-LIST ya wasanii wa Hip Hop kama hao wanaoonekana wana mafanikio. Nilifanya Interview na Duwe Sentana akaniuliza kwanini sipo kwenye A-LIST nami nikamtaka anitajie wasanii wawili tu wa Hip Hop walio kwenye huo udwanzi wanaodanganyana, akanitajia jamaa kama wanne hivi, nikamuuliza hao jamaa ndo wenye mafanikio? Akasema ndio wanapata endorsements za makampuni, wanafanya shows nyingi yaani kifupi wanapiga hela, nikamuuliza wamefanya uwekezaji gani (Investment)? Maana wanapaswa wawe ma-CEO wa kampuni zenye uwezo mkubwa kihamasa na kifedha sio kuwa ass kissers na ubabaishaji mwingi" 

Niki Mbishi aliendelea kusema kuwa 

"By the way jikune mkono wako unapofika usilazimishe usipofika utahadhirika, wasanii wengi ni waganga njaa tu maana hawana cha kuonesha wala kujivunia tofauti ya views, comments na likes za mitandao ya kijamii. Nani yupo kwenye A-LIST ya hip hop ajaze uwanja peke yake tumuone ikiwa ukimuweka hata Maisha Basement hajazi. Acheni kutaka u Jay Z na u Puff Daddy ikiwa hamna sauti ya mamlaka juu ya kazi zenu" alisisitiza Niki Mbishi 

Niki Mbishi wiki kadhaa alifanya Interview kwenye kipindi cha eNewz na kutaja wasanii kama Joh Makini, Fid Q, AY kuwa ni mfano wa rappers ambao wapo kwenye A list na kuwa na mafanikio kutokana na kazi yao ya muziki hapa Bongo.