Magufuli atilia mkazo

Rais wa Jamhuri ya Muungano wa Tanzania, Dk. John Pombe Magufuli amezitaka Jumuiya ya Tawala za Mitaa (ALAT) kuongeza wigo wa ukusanyaji mapato ili waweze kuboresha huduma za jamii katika maeneo yao zikiwemo za Afya na Elimu.

Rais Dk. Magufuli amesema hayo leo Jijini Dar es Salaam, katika Mkutano Mkuu wa 33 wa Jumuiya ya Tawala za Mitaa (ALAT), ambapo amesema bado maeneo mengi kuna changamoto ya upungufu wa madarasa, pamoja na huduma za afya ambazo zingeweza kutatuliwa kupitia mapato wanayokusanywa.

Aidha kiongozi huyo Mkuu wa nchi amesema anakusanya changamoto ambazo mamlaka hiyo wanakutana nazo katika ukusanyaji wa mapato kutokana na fedha nyingi kuishia mifukoni kwa wachache, hivyo hawana budi kusimamia ukusanyaji huo wa mapato pamoja na matumizi yake.

Mbali na hayo Rais Magufuli amewataka Madiwani na Wakurugenzi kuwasisitiza kujiunga na katika mfuko wa Bima ya Afya ili kuweza kupata huduma bora za kiafya ambapo pesa zitakazookolewa zitaweza kufanikisha miradi mbalimbali.