Baraza jipya lawang'oa Kashililah, Maghembe

Rais wa Jamhuri ya Muungano wa Tanzania, Dkt. John Pombe Magufuli amefanya mabadiliko kwenye baraza la Mawaziri ambalo ameongeza manaibu mawaziri wapya watano na mawaziri wawili, panga lake limewakata watano akiwepo Katibu wa Bunge Thomas Kashilillah

Ikiwa ni kwa mara ya kwanza tangu alipoingia madarakani 2015 kufanya mabadiliko ya baraza lake la mawaziri, panga la Rais Magufuli limempitia Katibu wa Bunge la Jamhuri ya Muungano wa Tanzania, Dkt. Thomas Kashillilah ambaye nafasi yake imechukuliwa la Ndg. Steven Kagaigai ambapo yeye ameambiwa atapangiwa kazi nyingine.

Aidha kutoa Kashillilah ambaye siyo Waziri, Mawaziri walioachwa ni aliyekuwa Waziri wa Maliasili na Utalii, Profesa Jumanne Maghembe na nafasi yake kuchukuliwa na Hamis Kigwangwala aliyekuwa Naibu Waziri Wizara ya Afya.

Katika panga pangua ya Rais, mwingine aliyeachwa ni aliyekuwa Waziri Maji na Umwagiliaji, Mhandisi Gerson Lwenge ambaye nafasi yake imechukuliwa na Mbunge wa Katavi, Mhandisi Issack Kamwele aliyekuwa naibu waziri wa wizara hiyo.

Aidha aliyekuwa Naibu Waziri wa Maliasili na Utalii, Ramo Makani naye panga hilo limepita na nafasi yake kuchukuliwa na Mbunge wa Vwawa, Japhet Hasunga.

Aidha aliyekuwa Naibu Waziri wa Habari, Utamaduni, Sanaa na Michezo, Annastazia Wambura ambaye nafasi yake imechukuliwa na Mbunge wa Viti Maalum CCM, Juliana Shonza.

Rais Magufuli amewataka wale walioteuliwa katika nafasi hizo kama watakuwa wamezipokea Jumatatu atafanya shughuli ya kuwaapisha wateule hao.